هدايا بلمسة قلب: بوكس فايندرا والقطع الفضية التي تغيّر كل شيء

لماذا الهدايا تفرق؟

الهدايا أحيانًا ما تكون بس تغليف وشكل… تكون شعور، موقف، لمسة تخلّي الشخص الثاني يحسّ إنك شايفه، فاهمه، ومهتم فيه حتى من دون ما يتكلم.

أحيانًا، قطعة وحدة... تغيّر جو، تصلّح مزاج، وتلمّ قلب مكسور أو جسد مرهق من مهام الحياة ومشاغلها اللي ما تنتهي أو حتى من الروتين القاتل..

قصة البحث عن الهدية المناسبة

قبل فترة، تواصلت مع صديقتي وقالت لي بصوت فيه حيرة

"قرب عيد زواجي، وأبغى أشتري له شي مميز… بس والله ما عندي ولا فكرة"

ضحكت وقلت:

"حلو! هذي الفرصة وجاتنا نطلع وندور سوا"

ومن هنا، بدأ مشوارنا البسيط، اللي انتهى بهدية لها، وهديتين لي أنا!

كنا نتمشى من محل لمحل. ساعات، عطور، أجهزة… كل مرة تقول:

""أحس الأشياء هذي صارت مكرّرة، ما فيها لمسة قلب

قلت لها: أنتِ تبغين شي يشبهكم أنتم الاثنين، مو شي ترندي أو هبة وبس، شي يتكلم عنكم، ويخلّي الابتسامة تشق وجهه وهو يفتحه"

وسألتها سؤال بسيط، بس شكله نغز قلبها:

"متى آخر مرة هديتوا بعض؟"

سكتت… شوي وردّت:

"يمكن من سنة أو أكثر"

قلت لها:

"شوفي، الهدايا مو دايم بسبب مناسبة، أحيانًا الهدية الصغيرة تجي بوقت مفاجيء او محد يتوقعه. يمكن هو بعد ينتظر شي منك، حتى لو تلميحة بسيطة وأنك ممكن يوم تبادري "

الهدية، مهما كانت، تقدر تهدي القلب، تصالح بدون كلام، وتذكّرنا بحب ننساه وسط الزحمة والمسؤوليات..

مرّينا كثير محلات. بعضها فخم، بعضها غالي، وبعضها كأنه يصرخ "انا الهدية المناسبة!"، بس ولا شي لمس قلبها

لحظة اكتشاف بوكس فايندرا

إلين دخلنا محل فايندرا ...

أول ما دخلنا، المكان هادي ومرتب، وفيه ذوق غير عن باقي المحلات، كذا فايب بالرقي قوي يملي المكان:

كل شي معروض بحب، تحس إن المكان مو بس يبيع، لا… يقدّم لحظة شعورية ماتتكرر..

شدّنا بوكس صغير على شكل قلب أحمر، ملمسه مخملي.. سألنا عنه، وردّت البائعة بابتسامة:

""هذا بوكس فايندرا السحري. يفتح بطريقة خاصة، ينوّر من الداخل، وتقدرون تحفرون عليه اسم الشخص اللي بتهدونه وطبعا معه يجي كارد وتغليف فخم خاص "

أنا وصديقتي رمينا نظرة على بعض، وكلنا حسّينا بنفس اللحظة إنه هذا هو الخيار اللي من اول ندور عليه:

كان كأنه طالع من مشهد رومانسي أو نهاية سعيدة لفيلم...

صديقتي اختارت سبحة فاخرة ، بحجر طبيعي كريم يجبر الخاطر بمجرد ماتطالع فيها، ومعها اسورة رجالية انيقة

طلبت يحطّونها داخل بوكس القلب المضيء، ومعاها كرت مكتوب فيه

" أنا عونك وانا كتفك وانا مركاك ، وانا لك في مجالس الضيق سبحة يمينك"

"ما نسيتك… بس كنت أدوّر اللحظة المناسبة"

وقالت لي:

"أحس أول مرة حينصدم منّي… اول مرة ابادر"

هدية… وتذكير بالحب

وإحنا طالعين من المحل، التفتت فجأة وقالت:

"وإنتِ؟ متى آخر مرة أهديتي أبوكم شي؟"

ضحكت وقلت:

أنا؟ والله مدري… يمكن من سنتين""

بس داخلي، حسّيت إن السؤال جا بوقته:

رجعت البيت، والسؤال ما فارقني.

حسّيت إني أنا كمان صرت أنسى إن الحب ما يعيش على الكلام بس، لازم مبادرات، تفاصيل، وتذكير ناعم..

يحيي الشعور.. لأن الزواج سباق مارثون طويل، أحيانا المشاعر فيه ترتفع، وأحيانا كثيرة تموت..

رجعة للمحل وهدية للأب… وهدية للنفس

ثاني يوم، رجعت لنفس المحل

اخترت سبحة فضة، وعلبة محفور عليها اسمه، ومعاها عبارة بسيطة:

"دعيت لك كل يوم"

وهدية لنفسي بنفس بوكس القلب الأحمر المنور، بس هالمرة ..هديتي لنفسي:

تدري وش الحلو؟

إنك تشتري هدية لنفسك، وتغليفيها، وتكتبي كرت بسيط، حتى لو ما فيه أحد بيقرأه غيرك

تقولي فيه مثلاً:

"أنا فخورة فيك…تستاهل الغالي"

أو حتى:

"أحبك، ومو ناسية تعبك في الأيام اللي فاتت"

الناس كثير يربطون الهدايا بالغير، وكأن انفسنا مو مستحقينها إلا لو في أحد عطانا إياها

بس الحقيقة؟

أنت أول شخص يستحق!

اللي صبر، اللي حاول، واللي يقوم كل يوم ويكمل رغم التعب والضغوط

ليش ما تقول لنفسك "شكراً" بهدية؟

ليش تستنين أحد يقدّرك، وانتي قادرة تقدّرين نفسك من قلبك؟

الهدايا للنفس: حب ذات وصحة قلب

في مرّة، كنت أمرّ بفترة صعبة، ما كنت أبي شي من الدنيا غير هدوء داخلي

دخلت محل، وشفت خاتم فضة بسيط، عليه شعار ناعم بالكاد يبان

مسكته، وسألت البائعة:

"أقدر أنقش عليه شي خاص؟"

قالت: "أكيد، وش تبغين؟"

قلت: "أبغى أكتب: (أنا اكفي)""

ضحكت وقالت: "كلمة حلوة"

بس أنا؟ كنت على وشك أبكي… لأنّها كانت أول مرة أقولها لنفسي بدون تردد:

من بعدها، صرت أخصص لي هدية كل شهر، مهما كانت الظروف

قطعة صغيرة، أو حتى وردة، أو جلسة هادئة مع نفسي في كوفي احبه..

صرت أعيد ترتيب غرفتي، ألبس قطعة تعجبني، وأحط عطر ما استخدمه إلا لما أكون "اهديه لي أنا""

الهدايا للنفس مو ترف، ولا دلع زايد… هي حب ذات حقيقي، وصحة قلب، وتقدير داخلي عميق..

ومو لازم أحد يفهم سببها، كفاية إنك تحسين شعورها..

أحيانًا، الهدية تصير ذكرى لحظة قوية… مثل الخاتم، أو السوار، أو حتى الكرت اللي كتبتيه لنفسك بليلة كنت تبكي فيها، بس قررتي توقفي وتقولي "أنا استحق الفرح"، "وحبدا من الآن"

الهدايا اللي نهديها لأنفسنا، تعلمنا كيف نحب غيرنا صح، بدون انتظار، بدون تعلق، بدون لوم

لأننا عرفنا كيف نحب أنفسنا أولًا، وكيف نعبّر عنها مو بس بالكلام، بالفعل، وبالتفاصيل اللي تخلّي اليوم العادي… مميز..

ولو تفكرين فيها شوي، كل علاقة ناجحة تبدأ من علاقة الإنسان بنفسه اولاً..

إذا كنتِ تحبين نفسك، تقدّرينها، ما راح تقبلين أي شي أقل من اللي تستحقينه.

وما راح تستنين من أحد يذكّرك إنك تستاهلين… لأنك بتكونين أول من يقولها..

أنا مؤمنة إن قطعة واحدة ممكن تغيّر طريقة نظرتك لنفسك

مثل بوكس فايندرا، اللي تحطين فيه هدية بسيطة منك… ولك..

تفتحينه، وتشوفين النور ينتشر من داخله، وتقولين

"هذا لي، عشان اذكر نفسي دايماً إنّي أستحق"

الهدايا مو بس للتعبير عن الحب… الهدايا أحيانًا تذكّرنا نحب، والأهم: تذكّرنا "مين أولى بهالحب""

تذكّري دايمًا، مو غرور إنك تحطين نفسك أولًا..

هذا وعي… هذا حب صحي… هذا أساس....

تأثير هدية بسيطة على العلاقة

فالمرة الجاية، لا تنتظرين أحد يقولك: "يستاهلك الزين""

قوليها لنفسك، وخذي هديتك، حتى لو كانت بس "قطعة فضة"

لأن أحيانًا، أبسط الأشياء… هي اللي تخلّي الحياة أدفى، والقلب أهدى، والنفس مطمئنة أكثر....

ابدئي اليوم… حتى لو بهدية رمزية...

بس لا تنسين تحبين نفسك بنفسك...

أما هديتي له ، جبتها وما كنت أنتظر منه رد فعل كبير، كنت بس أبي أقول له

"أنا لسا أحبّك، حتى لو ما قلتها كل يوم"

أعطيته البوكس، وسألني:

"وش المناسبة؟"

قلت وأنا أبتسم:

ولا شي… بس تذكرتك""

ابتسم وسكت، بس عيونه قالت كثيـــر:

ومن ذيك اللحظة، شي بسيط تغيّر. صار أقرب، صارت كلماته أدفى، حتى ملامحه صارت تبين أكثر حنان

كل هالتحوّل… من قطعة فضة ورسالة بسيطة داخل بوكس قلب أحمر!!

الهدايا ما تنقاس بس بقيمتها المادية، بعض الهدايا ترجع دفء كان مفقود..

بعض الهدايا تخلّي الشخص يحس إنه مرئي، محبوب، وله قيمة في عيونك..

تجربة فايندرا: ذوق وإحساس

وصديقتي؟ بعد ما أعطته الهدية، قالت لي:

"تخيلي صار يكتب لي رسائل زي أول، صار يرجع بدري، وحتى جلساته صارت أخف… كأنه هو بعد كان يحتاج هالهدية، مو بس أنا"

الهدايا اللي من القلب ما تحتاج كثير، بس تحتاج نية صافية، وتفاصيل راقية

ومحل مثل فايندرا، صراحة، قدر يجمع بين الذوق، الإحساس، والتجربة

كل قطعة فيه تنحط بصندوق، بس تفتح قلب...

وصار البوكس هذا معروف بين صديقاتنا… وحدة أهدت فيه أبوها، والثانية اقترحته لـ زوج أختها، والثالثة لنفسها

صحيح، حتى النفس تستاهل تهديها شي، تفرّحها، وتقول لها:

"أنا أقدّرك"

ابدئي بخطوة بسيطة

إذا كنتِ محتارة وش تشترين، أو تحسين إن العلاقة بينكم صايرة روتينية، جربي تبدأين بخطوة بسيطة

مو لازم تنتظرين مناسبة، مو لازم هدية كبيرة… بس خذي شي يقول:

أنا ألاحظك، وأهتم بوجودك""

الهدية الراقية ما تكلّف كثير، بس يعيش أثرها سنين ..

وكل مرة يلبس فيها السوار أو يستخدم السبحة، يذكّره فيك، وفي اللحظة اللي اختريتي تعبرين فيها بدون كلام

لا تنتظرين شي كبير يصير عشان تعبّرين، ابدئي بشي صغير… يمكن هو اللي يغيّر كل شي

لأن ببساطة، هدية بسيطة أو حتى قطعة فضة واحدة… كفيلة انها تكتب بداية جديدة، أو تحيي مشاعر اختفت من سنين..